മോഹന്‍ലാല്‍ മലയാളത്തിലെ ഏറ്റവും മികച്ച നടന്മാരിലൊരാളാണ്. അതിനെക്കുറിച്ച് മമ്മൂട്ടിയുടെ ഫാന്‍സിനൊഴികെ മറ്റാര്‍ക്കും തര്‍ക്കമുണ്ടാവാന്‍ വഴിയില്ല. (ലാലിന്റെ ഇപ്പോഴത്തെ അഭിനയ ശൈലിയെക്കുറിച്ച് എനിക്ക് വലിയ അഭിപ്രായമില്ല. എവിടെയോ അദ്ദേഹം സ്റ്റൈലൈസ് ചെയ്യപ്പെട്ട് പോയതുപോലെ. മമ്മൂട്ടി കൂടുതല്‍ മെച്ചപ്പെടുമ്പോള്‍ മോഹന്‍ ലാല്‍ താഴേക്ക് വരുന്നുണ്ടോ?)
വളരെ നാളായി ആരെങ്കിലും ചോദിച്ചിരുന്നെങ്കില്‍ എന്നാഗ്രഹിച്ചിരുന്ന കാര്യം മോഹന്‍ലാലിനോട് മനോരമ ന്യൂസിലെ നേരെചൊവ്വേയില്‍ ജോണ്‍ ചോദിച്ചു, ലാലിന്റെ വിഗ്ഗിനെക്കുറിച്ച്.
പതിവുപോലെ താത്വികമായ ഒരു മറുപടിയില്‍ ലാല്‍ തെന്നിമാറി.
രജനീകാന്തും സിദ്ദീക്കും ബാലചന്ദ്രമേനോന്‍ വരെ അവരുടെ മുടിയില്ലാത്ത തല മറ്റുള്ളവരുടെ മുന്നില്‍ പ്രദര്‍ശിപ്പിക്കുന്നു. മോഹന്‍ലാലെന്തേ മടിക്കുന്നു?
അദ്ദേഹത്തിന് ഇമേജിനെ ഭയക്കുന്നുണ്ടാവാം. ഇമേജ് താരത്തെ തീവ്രമായി ബാധിക്കുന്ന തമിഴ് നാട്ടില്‍ ഇല്ലാത്ത പ്രശ്നം കേരളത്തിലുണ്ടാകുമോ?
